Sia Punya Kisah 2008 (Part 2)

Ada urang bilang inda bagus menangis sebab menangis inda dapat solve problem… Ada juga urang bilang biarlah air mata tu jatuh berlinangan sebab kalau inda menangis, ko inda akan bertambah kuat. So, mana satu yang bulih dipakai tu ah? Hahahahahahah~ Kita sambung sama kisah 2008 sia yang sot sot dan sia rasa macam sia ni EMO saja untuk 2008… Kali lah tu kan… Muahahaha~
July 2008 – New semester sudah… Sia sengaja ambil 4 subjects sebab sia mo lupakan everything. Result 1st semester sia mimang OK (thank u, God)… Semua passed dan inda ada tersangkut sama tu bikin gantung kain… Muahahahaha~ Anyway, macam biasa… Life jadi semakin sibuk bila new semester start sudah. Adalah this guy tanya mana satu pilihan hati sia kunun tapi jawapan sia masih yang “INDA TAU”… Mo remain single kunun 1 tahun. Entah apa sia fikir sudah… Sot kali. So, sia berabis focus sama study sia.. Mo kasi lupa semua-semua tu yang opoit miagal do tompodu.
August 2008 – Sia tambah sibuk tapi sempat lagi pigi escort tu youths pigi camping di Dantai. Adalah tu beberapa kes yang inda diingini berlaku. Silap sia juga sebab terlampau kasi manja-manja diorang. I admit it… Trial and Error… Buahahahahaha~ Hari Kebangsaan pun sia inda ingat sudah sebab sia sibuk sama assignments… No life! Tapi, sia ada pigi Pitas untuk attend hari pertunangan Abang Juri and Sis Uyoi… Si Win yang driving… Muahahhahahah~
September 2008 – Nothing special… Tambah sia sibuk… Ada kawan bawa keluar, keluar jugalah… Inda bagus juga jual mahal kan… Nanti urang bilang sumbung. Inda bagus juga bah tu gitu. Sia fail lesen memandu sia sampai sia GIRIGITAN inda mo lagi driving – Lebuhraya bah sia fail.. Sot kan?… Sia meluah sama si Danny pasal tu driving saja then dia kasi cerita sia pasal pengalaman dia driving dulu…Muahahaha… Inda lupa juga sama si Win, tempat sia mengadu kadang-kadang… Both are my good friends… Yang lain tu pun adalah kawan sia yang bagus cuma sia inda bulih kasi mention di sini sebab nanti ada urang sakit hati… Buahahahaha~ Saja bah…
October 2008 – Birthday sia! Sia simpan tu list urang-urang yang ada wish sia Happy Birthday… Paling awal wish sia si Pr Willter… 3 hari lebih awal… Then tu di FS and FB… Mimang inda ada present tapi sia really appreciate urang-urang yang ingat mo wish sia Happy Birthday. Ada ini kawan bilang sia tua sudah and apa perasaan sia… Sia kasitau saja yang sia rasa umur tu adalah satu bonus dari Tuhan sebab kita kena ingat ada urang lain yang inda dapat pun hidup lama macam kita. Adalah kisah benar sia bah cuma terlampau panjang untuk sia mo kasi cerita… Dari tu si kawan yang passed away saja yang menyedarkan sia betapa AGE itu satu BONUS… Life is a BONUS… It’s hard to lead a good life but God always rewards us with a bonus!
November 2008 – Sia EXAM… Indatau apa sia jawab semua tu soalan… Ada banyak masalah ni time tapi sia buat inda paduli sudah sebab sia punya mata kekeringan air mata sudah…
December 2008 – Christmas! Lead itu youth carolers pigi menyanyi di rumah-rumah sampai ada 1 kali tersilap rumah… Iya, pigi rumah si Bobby… Muahahahahah~ Before that, sia pigi KL… Bukan intention sia mo attend tu ASI sebab sia sebenarnya mo lari daripada KEPERITAN hidup dan mencari KETENANGAN daripada dingar mulut-mulut urang… Sometimes mimang padih dingar cerita-cerita yang inda butul pasal kita termasuk yang RAHSIA tu kena kasi bucur… Syok butul kasi bucur tu rahsia… Cubalah kalau sia kasi bucur tu rahsia, mimang tu urang turus VOLCANO… Tapi, kuroyon podi… Kabang tatap kabang bogia… Dila nopo nga aiso tulang… Tapi, pa macam sekalipun benda yang paling sia CHERISH is my ND300… Kamera bah tu… Bukan manusia…
YEAR 2009… I’m looking forward of a more STRONGER me… Apa urang hantam pun, hantam lah… Biar sampai oputut ino dila dau… Tapi, yang paling penting… Mo lepaskan diri daripada soalan yang MERIMASKAN… Well, sia rasa korang ada yang bulih teka sudah tu especially yang kakal poh poimbujang gisom baino ti… Lepas tu, sia inda mo biarkan si MARK@KADUS ‘dera’ sia as mo denda gara-gara inda buat kerja last year! Eeeeeeekkk~ Ada banyak lagi tapi biarlah sia simpan untuk diri sia sendiri… Tahun depan baru sia kasi reveal… Muahahahahahah~

Want to get noticed by my visitors? Get your ads here for as low as US$15 for 3 months. Limited time only. Find out how you can get your ads to be featured here.