Uncategorized

Sia Punya Kisah 2008 (Part 1)

Sia punya kisah 2008 inda banyak… Tapi kalau sia kasi hurai dalam perkataan, mimang banyak lah… Heheheheheh~
January 2008 – Dapat masuk UMS untuk ambil Master in Business Administration. Was hoping that sia terjumpa kawan-kawan lama sekali tinguk butul-butul sia terjumpa kawan-kawan lama. Everything seemed macam OK sajalah kunun. Azam sia kunun mo lupakan semua kisah silam yang melukakan dan menyedihkan. Maka, sia guna pakai balik azam sia tahun-tahun dulu – Happy Happy Joy Joy… Maksudnya, apa saja yang sakit atau pedih sia rasa (painfulness), sia simpan dalam hati saja dan kasi tapuk with senyuman. Apa macam sakit kana tabak pisau di hati atau sakit bila urang yang dipercayai turus kasi bucur rahsia sampai hampir semua urang tau pun, sia senyum saja. Sebab macam dulu sia pigang prinsip – Otak tiada controller, Mulut tiada Zip… We cannot control others’ mind and we surely cannot shut or even stop them from talking whatever they wished for. Sampai juga bah apa tu urang cakap pigi telinga sia tapi sia buat bodoh macam inda pernah masuk skulah saja sebab once sia bersuara mimang habis keluar laser, silap-silap turus tu urang inda mo tinguk sia lagi sampai-sampai… Atau paling teruk, sia pula yang diumpat di balakang kalau sia start bersuara laser.. In short, don’t simply judge me if you don’t know me PERSONALLY because I can reveal my true self when necessary or in dire situation… Anyway, sia punya azam 2008 was to remain single for a year! Sot kan?
February 2008 – No Valentine’s Day… I spent all my days working on my group assignments… Tu hal KE pun sia inda paduli sudah…
March 2008 – 1st camping with the church youth… Sebelum ini sia camping ikut sekolah… Well, ada sia dingar urang bilang sia ni TIDAK PERNAH camping. Thank you for reminding me about that but the person who was talking this sh** mimang inda kenal sia sebab I was an active camper back then cuma I wasn’t interested with ini Church punya camping sebab sia suka hang out with my school friends. Plus, sia ada lebih banyak responsibilities di sekolah back then… So, kalau bukan atas sebab Pr. Heary insisted me to bring the youths pigi tu camping, manalah sia paduli tu youths sebab sia masih anggap inda syok camping di Dantai. But, it turned out to be really enjoyable walaupun mimang hitam legam lah… Terbakar bah! Maksudnya, I love camping tapi dalam diam-diam… Bukan sia inda pernah pigi camping and janlah bilang sia ni indatau satu hal pun pasal camping.
April 2008 – April’s Fool… Sia inda kena ahh… Sia kasi kena urang saja… Muahahahahaha~ Time ini sia paling sibuk sebab sia ada banyak assignments. Lagipun, final exam kunun inda lama lagi. Time ini juga start sudah banyak halangan dan rintangan… Sia ingat tu semua sebab inilah time sia banyak kali menangis dan minta advice dari urang lain… Sia butul-butul stressed out sebab life is a bunch of thorns and thistles. Bukan sinang… Bukang sinang… Mo hidup dan jalani kehidupan yang kita harap mimang bukan sinang… Sia hampir-hampir jatuh tersungkur dan inda terasa yang God masih ada…
May 2008 – Kaamatan! Sia kena bagi tugas ambil gambar di KDCA along with Mark@KaDus, Pirut, Gogds, etc. Tapi sia inda dapat datang sebab sia pigi Adventurer punya camping. Tulung-tulung tu aunties saja bah. Plus, ada kawan bawa sia mo pigi sana yang mana sia inda berapa interested mo pigi. Sia baru habis final exam kan… So, mimang ada panat-panat lah. Ada banyak hal yang terjadi tapi lebih bagus sia inda kasi mention di sini sebab bagi sia semua sudah berlalu. Moral of the story – Kada momoudut nung kiwaro nodi koupusan… Not good for health… Hahahahaha…
June 2008 – Sia cuti dan sia indatau apa sia buat… Dalam rumah saja… Plus, ada kelas driving kunun… Ada lah tu a few SMSes from the same guy yang jiwang karat tapi sia buat-buat inda layan… I’m a real DEVIL for sure. Target sia tatap dalam genggaman… Mana mo kasi lapas ooo… Single for 1 year… Lagipun banyak masalah melanda… Inda ada masa mo fikir benda-benda lain… Perasaan sendiri pun sia malas mo layan apatah lagi diri sendiri.
Kita sambung lagi selepas ini… Ko rasa panas? Ko terlupa pasang air-cond laitu… Kakkakakk~ Sia main-main saja ahh… Kada kotogod…

Want to get noticed by my visitors? Get your ads here for as low as US$15 for 3 months. Limited time only. Find out how you can get your ads to be featured here.